Аморим: Манчестер Јунајтед е голем клуб со богата историја, но во моментов е далеку од врвот!

Новиот тренер, Рубен Аморим, вели дека Манчестер Јунајтед е „огромен клуб, но не и голем тим“ додека се обидува да ги врати на врвот на англиската игра.

Аморим, чии играчи в сабота ќе бидат домаќини на Нотингем Форест, признава дека неговата екипа беше ужасна во натпреварот против Арсенал.

„Тоа е многу јасно. Ние сме огромен клуб, но не сме голем тим. Тоа го знаеме, нема проблем да го кажеме“, вели Аморим

Тоа, сепак, не значи дека клубот треба да ги промени своите цели, според Аморим, кој започна да работи како тренер на Јунајтед на 11 ноември.

Тој вели дека ја прифаќа легендарната историја на клубот и дека барањата секогаш ќе бидат високи.

„Ние не сме едни од најдобрите тимови во лигата“, рече тој.