Алегри го напушта Јуве – ова се можните наследници!

Италијанските медиуми пренесуваат дека Макс Алегри на крајот на сезоната ќе го напушти Јувентус и дека раководството веќе бара негов наседник.

Несогласувањта помеѓу тренерот и раководството започнаа после поразот во Доха во Суперкупот, по што Алегри се одлучи за промена на тактиката и се откажа од препознатливата 3-5-2 формација.

Имено, Алегри склучил пакт со раководството да го раскине договорот на крајот на сезоната, неговата иднина најверојтано ќе биде Премиер лигата, а оваа сезона ќе се обиде да ја одбрани титулата и да стигне што е можно подалеку во ЛШ.

Медиумите веќе ги објавија имињата на можните негови наследници, а во пол позиција е поранешниот играч на клубот и актуелен тренер на Фиорентина, Паоло Соса.

Второто име е Диего Симеоне, иако мали се шансите за тоа, а се споменуваат уште и Еусебио ди Франческо и Лучијано Саплети.