Шок на „Сан Сиро“: Милан остана без својот најдобар играч до крајот на сезоната!

Еден од најдобрите поединци на Милан оваа сезона, Џакомо Бонавентура се повреди на мечот со Удинезе па ќе го пропушти остатокот од сезоната.

Бонавентура заработи повреда на тетивата на левиот бутен мускул која треба да се санира со операција, па му следуваат мајмалку четир месеци пауза.

„Милсма дека ќе се врати на терените дури наредната сезона. Слична операција имав кај скијачот Петер Фил и тој на спортот му се врати по четири месеци. Но во фудбалот враќањето по операцијата од ваква повреда трае малку подолго“, изјави докторот кој ќе го оперира Бонавентура.

Ова сигурно е голем хендикеп за „росонерите“ и за тренерот Монтела, бидејќи Џек беше незаменлив во неговата формација.