Шарапова остана без полуфинале во Мадрид

Руската тенисерка, Марија Шарапова не успеа да се пласира во полуфиналето на мастерсот во Мадрид, со оглед на тоа дека денес загуби од Кики Бертенс од Холандија по три сета, 6:4, 2:6 и 3:6.

Шарапова добро го почна мечот и го освои првиот сет во кој забележа два брејка, а на противничката и препушти еден.

Во продолжението на мечот, Шарапопва го загуби ритамот и сервисот. Холанѓанката поведе со 5:1 во вториот сет лесно дојде до изедначување.

И во последниот сет Бертенс продолжи со исто темпо. Поведе со 5:2, а потоа го загуби гемот на свој сервис, но тоа не ја попречи лесно да го заврши мечот во своја корист.