Раднички ја задржува победата од 16:14 над Про Реко во Лигата на шампионите, иако во финишот на дуелот во Крагуевац се случил судиски пропуст. Европската организација за водени спортови (ЕА) потврди дека Андрија Прлаиновиќ останал во базенот со три лични грешки.
Спорни се последните 57 секунди од натпреварот. Искусниот ватерполист продолжил да игра и покрај третата лична грешка, а судиите не реагирале за да го отстранат пропустот.
Официјалниот став на ЕА пристигна два дена по средбата одиграна во вторникот. Според првичната процена на организацијата, врз основа на околностите и важечките правила, грешката не била пресудна за конечниот исход. Поради тоа, резултатот нема да се менува.
Тоа, сепак, не значи дека случајот е затворен. ЕА најави дополнително разгледување на околностите и преземање соодветни мерки според европските прописи за водени спортови. Засега не е соопштено какви санкции би можеле да следуваат.
Правдата на натпреварот ја делеа Холанѓанецот Зварт и Германецот Оме, а делегат беше Шпанецот Молинер. Во фокусот е и неговата одговорност за следењето на примената на правилата и за реакцијата при ваков пропуст.
Од европската организација ја нагласија и потребата од доследна примена на правилата, поголема одговорност на судиите преку системот за сертификација и подобрување на стандардите на судење.
Со потврдениот триумф, Раднички по три кола останува на врвот во групата Б со максимални девет бода. Про Реко има шест, Бреша три, додека Орадеа е без бодови.
Фото: Telegraf
Учество во игри на среќа е дозволено за лица со 18+ години. Играј одговорно!