(ВИДЕО) Пенезиќ е една од трите најдобри ѕвезди на колото во ЛШ

Екипата на ЖРК Вардар стигна до својата единаесетта победа во Лигаа на Шампионите, со триумфот против тимот на Будуќност. Андреа Пенезиќ беше убедливо најефикасна ракометарка постигнувајќи дури десет голови. Таа заслужено се најде во изборот на ЕХФ, за трите најдобри ѕвезди на последното коло во ЛШ. Воедно Пенезиќ се наоѓа во ТОП-5 листата на најдобри стрелци, односно на петтото место, со можност да напредува погоре во продолжение од најголемото ракометно натпреварување.

Во ѕвезди на колото, покрај Пенезиќ се најдоа уште и Офтедал од Ѓер и голманката на Ростов Дон, Мајса Песоа. Видеото со трите најдобри ѕвезди погледнете го на линкот, ТУКА.