Валенсија нема пари, Интер не го сака: Кондогбија се сели на „Енфилд“

Менаџерот на Ливерпул, Јирген Клоп покажува сериозен интерес кон францускиот играч за врска Жефри Кондогбија, пренесуваат англиските медиуми.

Кондогбија е во сопственост на Интер, но оваа сезона игра како позајмен фудбалер во Валенсија и покажува одлични партии.

Шпанскиот клуб има опција во договорот да може да го откупи на крајот на сезоната за 25 милиони евра, но најверојатно нема да ја искористи таа опција поради недостаток на финансии.

Јасно е дека за Кондогбија нема повеќе место во Интер, па Клоп сака да ја искористи таквата ситуација и да го донесе на „Енфилд“.

За „црвените“ нема да преставува проблем да ги платат бараните 25 милиони евра, а Клоп смета дека Французинот ќе биде идеална замена за Емре Чан, кој сигурно ќе го напушти Ливерпул на крајот на сезоната.