Одлични вести за Барса: Скапоценото засилување се врати на тренинзите

Ернесто Валверде ќе биде на слатки маки

Напаѓачот на Барселона Осман Дембеле се опорави од повредата и од денес повторно тренира со остатокот од екипата.

Дембеле се повреди на своето деби за Барса по што паузираше четири месеци, а неодамна повторно ја повреди задната ложа, но за среќа за Барса не се работеше за ништо сериозно.

После помалку од три недели, Французинот е повторно со екипата, но каталонските медиуми пренесуваат дека Ернесто Валверде нема ништо да ризикува, односно дека планот е Дембеле да биде 100% спремен за натпреварот против Челси на 20 февруари.

Барса утре со почеток од 16:15 игра натпревар против Еспањол, а покрај Дембеле на списокот ги нема Вермален и Андре Гомеш.