Брзо стигна и демант: Јуве и Балотели немаат никаков договор!

Aнглиски „Тhe Sun“ утрово пренесе изненадувачки информации дека Јувентус постигнал договор со Марио Балотели.

Сега реномираниот „Калчомеркато“ пренесува дека Балотели и Јувентус немаат никаков договор и дека „старата дама“ воопшто не е заинтересирана за контроверзниот Италијанец.

Покрај тоа се додава дека менаџерот Мино Раиола два пати го нудел Марио на Јувентус, но Јувентус и во двата наврати одбивал да потпише договор со Италијанецот.

Причината поради која Јувентус го одбил Балотели наводно е проблематичното однесување на фудбалерот.