Брутална казна: Германскиот клуб поради навивачите мора да плати повеќе од 300.000 евра

Поради несоодветното однесување на своите навивачи на последниот лигашки натпревар од минатата сезона, Ајнтрахт од Франкфурт беше казнет со дури 341.500 евра.

Ова го објави Дисциплинската комисија на Германскиот фудбалски сојуз (ДФБ) по нередите на навивачите на клубот од Франкфурт за време на натпреварот против Штутгарт на 16 мај.

При таа прилика, навивачите од Франкфурт пред почетокот на натпреварот запалија најмалку 25 чадни бомби, 50 факли и испукаа 20 ракети. Во текот на сите инциденти беа повредени две лица, а почетокот на натпреварот доцнеше. За време на натпреварот, навивачите на домашниот клуб запалија уште 26 пиротехнички средства и испукаа нов арсенал ракети.