Руни за укинувањето на суспензијата на Балогун: Инфантино треба да се срами!

Легендарниот англиски фудбалер Вејн Руни го прокоментира укинувањето на суспензијата на американскиот фудбалер Фоларин Балогун, кој доби црвен картон на натпреварот во осминафиналето на Светското првенство против Босна и Херцеговина.

“Пред Европското првенство во 2012 година добив суспензија од три натпревари, што значеше дека ќе ја пропуштам целата групна фаза. Тогаш буквално ми рекоа: ‘Ако одиш во Швајцарија и направиш тренинг со група деца, ќе ти ја укинеме третата суспензија.’ Не се согласував со ова, но прифатив, бидејќи не сакав суспензија од три натпревари. И покрај тоа, сметав дека ова е неправилно”, изјави Руни.

Потоа се осврна директно на најновата одлука на ФИФА.

🚨🗣️ Wayne Rooney on Balogun getting his suspension lifted:

“I got a three-game ban before Euro 2012 so I was due to miss the three group games and basically got told if I go over to Switzerland and do a training session with a bunch of kids, the third game gets taken off.… pic.twitter.com/UQ7GeY6BEj

— The Touchline | 𝐓 (@TouchlineX) July 6, 2026

“А овака да се услови суспензијата? Или поништете го црвениот картон, што можеби и е правилната одлука, па играчот да може да игра, или оставете ја казната како што е. Меѓутоа, одложувањето на казната за една година е тотална срамота. Инфантино треба да се засрами од ова, затоа што сметам дека со ова се нарушува спортскиот дух на играта”, порача Руни и додаде:

“Да бев на местото на противниците на Соединетите Американски Држави, ќе бев апсолутно гневен. Мислам дека ова е погрешно во секој аспект. Ова е чиста срамота.”

Само да потсетиме, вечерва во 2:00 часот по полноќ, Америка ќе игра во осминафиналниот натпревар против Белгија, а селекторот на САД, по одлуката на ФИФА, ќе може да смета на Балогун.