Нема промена на терминот за натпреварот Мексико – Англија

Натпреварот од осминафиналето на Светското првенство меѓу фудбалерите на Мексико и Англија во Мексико Сити ќе се одигра според планот, во ноќта помеѓу недела и понеделник во 2.00 часот по средноевропско време.

Како што пренесе Скај денес, терминот нема да се промени, по настанатата конфузија поради можната промена поради најавеното лошо време и грмотевици.

Според временската прогноза, околу пладне по локално време и почетокот на натпреварот во Мексико Сити се очекува невреме, па се спомнуваше можноста за промена на терминот. Се шпекулираше дека натпреварот би можел да се одигра во недела од 20 часот по средноевропско време.

Извор од Меѓународната фудбалска федерација (Фифа) изјави за Скај дека никогаш не е донесена одлука за преместување на натпреварот на стадионот Ацтека. Фифа ќе продолжи да ја следи ситуацијата, особено промените во временските услови.