„Кристијано Роналдо мора да биде на теренот“: Селекторот на Португалија остро одговори на критиките

Селекторот на фудбалската репрезентација на Португалија Роберто Мартинес изјави дека немаше потреба да го замени капитенот Кристијано Роналдо на натпреварот против Демократска Република Конго на Светското првенство, пренесе денес „ЕСПН“.

Фудбалерите на Португалија и ДР Конго одиграа нерешено 1:1 во среда во Хјустон во натпреварот од првото коло од групата K на СП.

Роналдо го одигра целиот натпревар за својот тим, но не успеа да се запише како стрелец.

– На натпревар како што беше овој, каде што се мачевме да влеземе во противничкиот шеснаесетник, Конго играше со петмина фудбалери во одбрана, понекогаш дури и со шестмина. Во такви ситуации, квалитетите на Роналдо прават разлика. Нема смисла да го замените најдобриот стрелец на светскиот фудбал во натпревар каде што ни се потребни голови”, рече Мартинес.