Во Италија сезонава се случи ситуација каква што немало 35 години!

Вчера се случи вистинска фудбалска катастрофа во последното коло на италијанската Серија А за Милан и Јувентус.

По првпат после 35 години, ниту еден од овие два клубови нема да биде дел од елитното европско натпреварување.

И Јувентус и Милан останаа без пласман во Лигата на шампионите, обезбедувајќи само места во Лига Европа преку Серија А во сезоната 2025/26.

„Росонерите“ ја имаа судбината во свои раце, но во неделата на домашен терен претрпеа драматичен пораз од Каљари со резултат 2:1, што им овозможи на Рома и Комо да ги претекнат и да влезат меѓу првите четири екипи. Од друга страна, Јувентус играше нерешено 2:2 во градското дерби против Торино, завршувајќи на шестото место веднаш зад „Росонерите“.

Според информациите од TMW, ова е првпат од сезоната 1991/92 година, ниту Јувентус, ниту Милан да не учествуваат во најсилното европско натпреварување.

Од моментот кога Европскиот куп во 1992 година беше преформулиран во УЕФА Лига на шампионите, барем еден од овие два клуба – Јувентус или Милан – секогаш беше дел од турнирот.

Додека се очекува Лучано Спалети да остане на клупата на Јувентус, по неодамнешното продолжување на договорот до 2028 година, иднината на Масимилијано Алегри во Милан останува многу неизвесна.