Вакво нешто не се памети: Тудор дознал дека му починал таткото, а потоа следеше срамен потег од Тотенхем

Тотенхем вчера доживеа нов пораз пред своите навивачи затоа што загуби дури со 0-3 од Нотингем Форест. Игор Тудор веднаш по натпреварот го напушти стадионот поради трагични вести кои ги добил, но никој не може да верува како во Тотенхем реагираа на сето тоа.

Црната серија на Тотенхем продолжува и сега само еден бод го дели овој тим од местото кое води во Чемпионшип.

Лондонскиот клуб вчера на својот стадион играше против директниот ривал во борбата за опстанок Нотингем Форест кој полесно од очекуваното дојде до три бода и победи со 3:0.

Сепак, главна тема по натпреварот е хрватскиот тренер Игор Тудор кој не се појави на прес-конференцијата по натпреварот и многумина веруваа дека намерно ги избегнува новинарите и бара изговори.

Неговиот помошник дојде наместо него и изјави дека Тудор има приватни проблеми, но првично никој не му поверува во тоа.

Меѓутоа, набрзо по тоа потврдено е дека Тудор експресно го напуштил стадионот и Лондон и се вратил во Хрватска затоа што починал неговиот татко, што навистина се трагични вести за овој тренер.

Тудор остана до крајот на натпреварот, но веднаш потоа го напушти стадионот и се упати кон аеродромот затоа што јасно е дека во таква состојба воопшто не може да излезе пред новинарите и да говори за натпреварот.

Но, она што го направи Тотенхем во тоа, ако веруваме на пишувањата на англиските медиуми, навистина е поразително.

„Сан“ наведува дека никој од раководството на Тотенхем воопшто не изразил сочувство до Тудор кога дознале што се случува и дека се подготвени на Хрватот уште повеќе да му го загорчуваат животот.