Вечерва четири натпревари од плеј-офот на Лигата на шампионите: Во фокусот дуелот меѓу Бенфика и Реал Мадрид

Четири натпревари од УЕФА Лигата на шампионите се на распоред вечерва, распоредени во два различни термини.

Првиот дуел ќе го одиграат Галатасарај и Јувентус во Истанбул, со почеток од 18:45 часот.

Вечерниот термин е резервиран за три натпревари кои ќе започнат во 21:00 часот.

Во Лисабон, Бенфика ќе ја пречека екипата на Реал Мадрид. Ова ќе биде реванш на незаборавниот натпревар од групната фаза, кога португалскиот гигант го совлада Реал Мадрид со 3:1. На тој натпревар, голманот Трубин постигна гол длабоко во судиското надополнување, обезбедувајќи ѝ на екипата на Жозе Мурињо место во плеј-офот.

Европскиот шампион ПСЖ ќе игра против Монако на гостински терен во Франција, додека Борусија Дортмунд ќе ја пречека Аталанта.

Реванш натпреварите ќе се одиграат на 25 февруари.