Премиерлигаш во два часот по полноќ го отпушти тренерот – ќе има четврти стратег сезонава!

Падна уште еден отказ во англиската Премиер лигата откако по ремито со Вулверхемптон, Нотингем форест го отпушти Шон Дајч.

Тој издржа на клупата само 114 дена, односно водеше тимот на 25 натпревари со ефект од десет победи, пет нерешени и десет порази. Интересно е тоа што клубот ја објави веста за прекинот на соработката во 2 часот наутро:

“Фудбалскиот клуб Нотингем може да потврди дека Шон Дајч е отпуштен од должноста главен тренер. Благодариме на Шон и неговиот персонал за нивната работа во клубот и им посакуваме многу среќа во иднина. Во овој момент нема да даваме дополнителни коментари”, изјавија тие.

Nottingham Forest Football Club can confirm that Sean Dyche has been relieved of his duties as head coach.

We would like to thank Sean and his staff for their efforts during their time at the Club and we wish them the best of luck for the future. We will be making no further… pic.twitter.com/q6LPADIsDw

— Nottingham Forest (@NFFC) February 12, 2026

Ова е третиот тренер на Нотингем кој беше отпуштен оваа сезона, по Нуну Еспирито Санто кој го водеше тимот речиси две години и Анге Постекоглу кој траеше само 39 дена, односно осум натпревари.

Во моментот Нотингем се наоѓа на 17. место во Премиер лигата со 27 поени, што е три повеќе од Вест Хем кој се наоѓа во зоната за испаѓање.