Ферари го покажа новиот болид: Изгледа моќно! (Видео)

Една од најпознатите и најпопуларни екипи во Формула 1, Ферари, денес во Маранело го претстави нивниот нов болид за сезоната 2026.

Името на болидот е SF-26, а во Ферари имаат надеж дека токму тој ќе им овозможи враќање на престолот на слава.

Како што е познато, Шарл Леклер и Луис Хамилтон минатата сезона завршија на петтото и шестото место во поредокот на возачи, додека екипата се пласираше на четвртото место во поредокот на конструктори.

Иако бојата на болидот останува во препознатливата црвена нијанса, очекувањата се огромни – Ферари, со 31 освоена титула, е најуспешната екипа во историјата на Формула 1, што секогаш носи додатен притисок.

“Една од најзначајните промени е враќањето на блескавата завршна обработка на бојата. Боја Rosso Scuderie за 2026 година е посветла и поинтензивна, со смел и впечатлив изглед инспириран од специјалната ливреја видена во Монца 2025 година,” истакнуваат од Скудерија Ферари.

Built for the 2026 season 👊 The SF-26 takes the stage. pic.twitter.com/zDQs6XAQsP

— Scuderia Ferrari HP (@ScuderiaFerrari) January 23, 2026

Новиот болид се одликува со чисти, класични линии и ретро естетика што ќе ги воодушеви обожавателите на F1.

Со новиот болид, потврдениот возачки пар и искусниот менаџмент, Ферари сега има шанса повторно да владее на патеките на Формула 1.