Капитенот на македонската ракометна репрезентација Филип Кузмановски изјави дека Данска била добар тест, а селекторот Лазаров е задоволен и покрај поразот.
„Се подготвуваме да ја изненадиме Данска, но тоа се покажа дека е исклучително тешко против репрезентација која за мене е главен фаворит на ова Европско првенство. Ќе го анализираме вечерашниот натпревар, но секако нашиот таргет се Португалија и Романија‘, изјави Кузмановски.
Street Workout Macedonia – Движење што гради сила, карактер и издржливост | Уште еден поткаст
„Можам слободно да кажам, иако е тешко да се каже тоа кога ќе загубиш со 12 гола, но јас сум задоволен од моите момци, како тие се бореа и како тие се поставија против една од најдобрите, ако не и најдобрата селекција во светот. Мораме да бидеме задоволни и да извлечеме поуки од овој натпревар. Заедно со стручниот штаб добро изротиравме, им дадовме шанса на сите 16 играчи, затоа што ритамот е пеколен и да бидат што е можно посвежи и поздрави за наредните натпревари. Немаме многу време, имаме еден ден за одмор, да се рехабилитираме, да го подготвиме натпреварот против Португалија и да се прикажеме во подобро светло“, изјави Лазаров.
Учество во игри на среќа е дозволено за лица со 18+ години. Играј одговорно!