Париз ФК преговара со босанскиот ветеран Един Џеко, пишува весникот “Екип”. Денеска францускиот клуб го претстави халфот Маршал Мунеци, кој доаѓа на позајмица од англискиот Вулверхемптон, но привлекувањето на напаѓачот Џеко, кој играл за Манчестер Сити, Интер и Рома, би било вистинско засилување за новакот во Лига 1.
39-годишниот Един Џеко во моментот е фудбалер на Фиорентина, којашто е на 18-то место во Серија А. Босанецот има само два гола оваа сезона за “виолетовите”, но минатата сезона постигна 21 гол во 53 натпревари во сите натпреварувања за турскиот гигант Фенербахче.
До кога ќе дишеме отровен воздух!? | Уште еден поткаст
Един Џеко не е единствениот избор за централен напаѓач на Париз ФК, бидејќи актуелен беше Сидики Шериф од Анже, кој, сепак, постигнал согласност со Кристал Палас, а се разгледува и можноста за привлекување на Људовик Ајорк од Брест.
Учество во игри на среќа е дозволено за лица со 18+ години. Играј одговорно!