Капитенот на Арсенал се повреди – познато колку долго ќе отсуствува од терените

Норвежанецот се здоби со повреда на коленото во дуелот против Вест Хем и мораше порано да го напушти теренот. Одегаар мораше да ја напушти играта во 30. минута од мечот против Вест Хем по сударот со Крисенсио Самервил.

Таa ситуација го одбележаа и неславниот рекорд за него – стана првиот играч во историјата на Премиер Лигата кој започнал три последователни натпревари, но бил заменет пред полувремето.

Претходно излегуваше против Лидс и Нотингем Форест поради повреда на рамото.

Овој пат, проблемот е посериозен – станува збор за повреда на медијалниот колатерален лигамент на левото колено.

Норвешкиот фудбалер ќе остане во Лондон за време на репрезентативната пауза каде што ќе направи дополнителни прегледи и третмани.

Од Арсенал потврдија дека Одегард нема да патува со норвешкиот тим.

„Мартин Одегард беше повлечен од националниот тим на Норвешка откако се здоби со повреда на медијалниот колатерален лигамент на левото колено,” стои во соопштението на клубот.

“Мартин ќе продолжи со третманите и проценките во нашиот медицински центар во Лондон Колни за време на репрезентативната пауза, со цел да се врати на теренот што е можно побрзо.”

Оваа повреда дополнително ја закомплицира ситуацијата за Микел Артета, кој веќе се соочува со низа проблеми во тимот.

На листата на повредени се и Каи Хаверц, Габриел Хесус, како и Пиеро Хинкапиe. Сепак, има и некои добри вести за навивачите на Арсенал.

Деклан Рајс, кој исто така имаше проблеми со грбот за време на натпреварот против Вест Хем, сепак ќе се придружи на репрезентацијата на Англија.

Англискиот играч од средниот ред го постигна првиот гол во победата од 2:0, но пред крајот на натпреварот мораше да го напушти теренот.

Сепак, се очекува денеска да пристигне во кампот Сент Џорџ’с Парк и да биде подготвен за пријателскиот натпревар со Велс, како и квалификациониот натпревар против Латвија.