ТРЕНЕРОТ на Манчестер Сити, Пеп Гвардиола, е оптимист за брзото враќање на Фил Фоден во англиската репрезентација, откако младиот играч за врска беше едно од најпознатите имиња што селекторот Томас Тухел во петокот ги изостави од последната листа. Тухел за претстојните натпревари против Велс и Латвија реши да ги прескокне и Џуд Белингам и Џек Грилиш, а на Фоден ова му е веќе трет последователен список кој го пропушта.
По минатата сезона, во која не беше на своето најдобро ниво, 25-годишниот Фоден оваа сезона ја најде значително подобрата форма, постигнувајќи два гола и две асистенции во седум натпревари досега за Сити.
“Ќе се врати ако продолжи вака”
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
“Тухел знае милион пати подобро од мене што му е потребно за репрезентацијата”, изјави Гвардиола. “Сето што можам да кажам е дека Фил ќе се врати ако продолжи да игра како досега. Среќен сум кога играчите одат во репрезентацијата, но уште посреќен сум кога се враќаат здрави, тоа е сигурно.”
Фоден речиси сигурно ќе го започне неделниот натпревар кога Сити гостува кај Брентфорд, на теренот кој очигледно му одговара, бидејќи таму во четири настапи постигнал дури шест гола.
“Тој е најдобриот играч кој го имаме за играње во тесни простори во завршната трета од теренот”, додаде Гвардиола. “Минатата година ни недостигаа неговите голови и асистенции. Желбата за постигнување гол кај него е најголемата што ја имаме.”
Учество во игри на среќа е дозволено за лица со 18+ години. Играј одговорно!