Дембеле е само шестиот Французин со „Златна топка“: Еве кои ја освојуваа пред него!

Напаѓачот на Пари Сен Жермен, Усман Дембеле, вчера беше крунисан со титулата најдобар играч во светот за 2025 година, ставајќи го своето име до другите француски икони кои ја добиле Златната топка.

Првиот Французин кој го направи ова беше Рејмон Купа, кој во 1958 година беше прогласен за најдобар фудбалер на светот.

По него, Франција долго време немаше фудбалски великан, до моментот кога во 80-тите години се појави Мишел Платини.

Неговиот извонреден талент му донесе три последователни Златни топки и статус на најдобар играч во 1983, 1984 и 1985 година.

𝐅𝐑𝐀𝐍𝐂Е 𝐀𝐃𝐃 𝐀𝐍𝐎𝐓𝐇𝐄𝐑 — @dembouz is the next to win the 𝑩𝒂𝒍𝒍𝒐𝒏 𝒅’𝑶𝒓 🇫🇷👑

1958 Raymond Kopa
1983 Michel Platini
1984 Michel Platini
1985 Michel Platini
1991 Jean-Pierre Papin
1998 Zinédine Zidane
2022 Karim Benzema
2025 Ousmane Dembélé

𝙇𝙀𝙂𝘼𝘾𝙔.… pic.twitter.com/ncptn22tQ1

— 433 (@433) September 23, 2025

Со неговите стапки продолжи и Жан-Пјер Папен кој во 1991 година ја доби престижната награда, а на врвот му се приклучи и Зинедин Зидан седум години подоцна.

Пред Дембеле, последниот Французин кој го освои ова признание беше Карим Бензема пред три години, кога беше именуван за најдобар на планетата.