Зошто никој не го сака Рафа Бенитез?

Шпанскиот тренер Рафаел Бенитез сѐ уште сака да се натпреварува на највисоко ниво, но понуди досега нема.

Верувале или не, откако доби отказ во март минатата година, Бенитез е без клуб.

Тој ја презеде Селта летото 2023 година, претходно кратко беше на чело на Евертон од јули 2021 до јануари 2022.

“Луѓето ме прашуваат дали уште сакам да бидам тренер? Секако дека сакам, посебно во Англија или некаде во Европа. Не сакам луѓето да мислат дека сум завршил со кариерата. Сѐ уште се развивам како тренер”, рече Бенитез.

За оние кои заборавиле, Бенитез најголемите успеси ги постигна на клупите на Валенсија и Ливерпул, подоцна го водеше Интер, Челси, Наполи, Реал Мадрид, Њукасл, кратко во кинескиот Далијен, а потоа дојдоа спомнатите Евертон и Селта.

Кога ќе добие Бенитез нова работа и во која лига?