Јунајтед го победи Челси во нервозен натпревар со два црвени картона

Манчестер Јунајтед запиша победа со 2:1 против Челси во едно од најинтересните дербија од петтото коло на Премиер лигата.

Бруно Фернандеш (14’) и Каземиро (37’) беа прецизни за домаќините, а Трево Чалоба (80’) постигна гол за „сините“. Во голема мера сепак настаните на теренот под поројниот дожд на „Олд Трафорд“ беа дефинирани од раниот црвен картон на Роберт Санчез, кој беше исклучен уште во 5-тата минута, како и исклучувањето токму на стрелецот Каземиро (45+5’), кој беше исклучен во додатното време.

Ова беше втора последователна победа за момците на Рубен Аморим како домаќин во првенството.