Младата ѕвезда на Барселона, Ламин Јамал ќе го пропушти гостувањето кај Њукасл во Лигата на шампионите во четврток поради повреда во пределот на препоните, јавува „Мундо Депортиво“.
Како што е познато, крилото отсуствуваше при победата со 6:0 против Валенсија поради истата повреда. Според каталонскиот весник, болките на крилото се појавиле уште при победата со 3:2 против Леванте на 23 август, по што се засилиле при ремито 1:1 со Рајо Ваљекано. Учество на Јамал во победите на Шпанија против Бугарија со 3:0 и против Турција со 6:0 само ја влошило повредата и така дошло до потреба од одмор од натпревари.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Очекувањата на весникот се дека младиот талент ќе биде под сериозен прашалник за неделното домаќинство против Хетафе, а веројатно и за гостувањето кај Овиедо следниот четврток. Можно е Јамал да се врати во игра како замена при домаќинството на Реал Сосиедад следниот викенд, но големата цел на Барселона е тој да биде комплетно подготвен за дуелот со гостувачкиот Пари Сен Жермен во ЛШ на 1 октомври.
Учество во игри на среќа е дозволено за лица со 18+ години. Играј одговорно!