Технолошка иновација ќе дебитира во Серија “А” на дербито меѓу Јувентус и Интер

Саботното дерби меѓу Јувентус и Интер ќе се претвори во првиот натпревар во историјата на Серија “А”, во кој ќе се користи специјална камера, прикачена на главниот судија на натпреварот, објавија од италијанската елитна лига.

Технолошката иновација беше успешно испробана во минатото Светско клубско првенство во САД, и Серија “А” ќе биде меѓу првите европски шампионати кои ќе ја имплементираат во своите натпревари. Целта е телевизиските гледачи да можат да сведочат на одредени игрови ситуации од гледиштето на главниот судија.

“Микрокамерата со висока резолуција, која тежи само 6 грама, ќе биде монтирана на микрофонот на судијата и ќе се користи за време на загревањата, како и во самите натпревари, како на пример при подготовка за слободен удар или слични ситуации, за да се прикажат возбудливи повторувања. Бидејќи ќе биде една од камерите достапни за телевизиите, нејзиниот сигнал ќе биде изолиран од оној на ВАР”, објаснуваат од фудбалската лига во нивното соопштение.