Претседателот на Реал Мадрид, Флорентино Перез имал состанок со таткото на Нејмар и разговарале за потенцијален трансфер на „Сантиаго Бернабеу“, пренесуваат шпанските медиуми.
Имено, се шпекулира дека Бразилецот треба да го замени Кристиано Роналдо во мадридскиот клуб, иако пред само неколку месеци Нејмар премина во ПСЖ за светски рекорд од 222 милиони евра.
Уште еден поткаст! Fat Cacko: Од гитара до Fat kitchen bistro и најдобриот бургер во градот ↓↓↓
Сепак, „Мундо Депортиво“ тврди дека не е невозможно да се договорат Перез и Нејмар, а познато е дека таткото на фудбалерот е многу важна фигура во водењето на неговата кариера.
Реал беше упорен во намерата да го донесе Нејмар од Сантос во 2013 година, но Барса сепак ја доби битката за потписот.
Нема сомнеж дека вратата на „Сантиаго Бернабеу“ и понатаму е отворена за Бразилецот, во кого „кралевите“ гледаат идеален наследник за Кристиано Роналдо.
Договорот на Роналдо истекува во 2021 година, но Португалецот има пад на формата и ја игра најлошата сезона, па нема да биде изненадување доколку Перез следното лето се одлучи да го продаде.
Учество во игри на среќа е дозволено за лица со 18+ години. Играј одговорно!