Шведскиот напаѓач Виктор Ѓокереш (27) го извести претседателот на Спортинг за својата одлука да го напушти клубот, пренесуваат португалските медиуми.
Ѓокереш искрено се надева на нова фаза во својата кариера и со разочарување одлучи дека нема повеќе да тренира со клубот.
Наводно, Арсенал интензивно преговара со Ѓокереш, а „Топчиите“ се блиску до обезбедување на неговите услуги како врвен напаѓач.
Да потсетиме, иако договорот со Спортинг му истекува во 2028 година, постои откупна клаузула од 100 милиони евра.
Во португалскиот клуб пристигна во 2023 година од Ковентри во трансфер вреден 24 милиони евра. Во минатата сезона на сите натпреварувања имаше 52 натпревари, при што постигна 54 голови и оствари 13 асистенции.
Напаѓачот, чија пазарна вредност е проценета на 75 милиони евра, дебитираше за шведската репрезентација во 2019 година, и досега има собрани 26 настапи и 15 погодоци.
Учество во игри на среќа е дозволено за лица со 18+ години. Играј одговорно!