Еуфорија помеѓу навивачите: Веќе се појави првата опција за нов клуб на Роналдо!

По дефинитивната потврда дека Ал Наср нема да игра во Лигата на шампиони во следната сезона, и откако самиот Кристијано Роналдо изјави дека завршил едно поглавје, почнаа шпекулациите за тоа во кој дрес би можел да ја продолжи својата кариера искусниот Португалец.

Со оглед на тоа што се приближува Светското клупско првенство, нема сомнеж дека неговата амбиција е да игра на ова големо натпреварување, а изминатата вечер се појавија шпекулации, иако непотврдени, за интерес од страна на Бока Јуниорс.

Големиот клуб од “Бомбонера” не доставил никаква понуда до Роналдо, но арентинскиот новинар Хорхе Д’Алесандро во популарната ТВ емисија “Ел Чирингито” истакна дека би сакал да го види Португалецот во дресот на овој аргентински гигант.

“Би сакал да го видам Роналдо во дресот на Бока Јуниорс. Им треба! Рикелме, обиди се да го доведеш”, истакна Д’Алесандро предизвикувајќи лавина коментари во земјата на актуелниот светски шампион.

🗣️ Jorge D’Alessandro en @elchiringuitotv

“Me ENCANTARÍA ver a CRISTIANO RONALDO en BOCA.

¡Que lo intente #Riquelme! Lo veo identificado por juego y personalidad. Ese vértigo que tiene #Boca, al lado de Zenón y Merentiel. Me vuelvo loco”.

❓¿Opiniones?pic.twitter.com/JJRBtVD9fk

— Boca Juniors – La12Tuittera (@la12tuittera) May 27, 2025

Од друга страна, италијанските медиуми го селат Роналдо во Мексико, поточно во Монтереј, каде што би можел повторно да се најде во ист тим со Серхио Рамос, негов поранешен соиграч од Реал Мадрид, каде што исто така би имал шанса да игра на Светското клупско првенство.