Македонската тенисерка Лина Ѓорческа успешно ја оправда фаворитската улога и обезбеди пласман во осминафиналето на ИТФ турнирот што се одржува во Грузија, совладувајќи ја домашната претставничка Зозија Кардава со убедливи 2:0 во сетови.
Во првиот сет се водеше неизвесна битка, при што двете тенисерки имаа проблеми со реализацијата на својот сервис. Сепак, Ѓорческа успеа да направи еден брејк повеќе од Кардава – вкупно пет – што ѝ донесе предност и освојување на сетот со 7:5.
Сакаш да снимаш видеа и да заработуваш од тоа? ТЕБЕ ТЕ БАРАМЕ! ↓↓↓
Во продолжението Ѓорческа ја презеде контролата на теренот, наметна поагресивен ритам и дозволи само два гема на противничката, освојувајќи го вториот сет со убедлива игра.
Во наредната фаза, македонската репрезентативка ќе се соочи со победничката од дуелот меѓу руската тенисерка Анастасија Тиконова и домашната Софија Шапатава.
Учество во игри на среќа е дозволено за лица со 18+ години. Играј одговорно!