Гвардиола прави најголема чистка во историјата: Манчестер сити ќе биде непрепознатлив по летово

Поради најнеуспешната сезона на Пеп Гвардиола во кариерата, се подготвуваат големи промени во Манчестер Сити, каде што сопствениците му веруваат целосно, поради што претходно му го продолжија договорот. Проблемот се играчите и нивниот заситеност, така што Сити летово ќе направи голем пресврт и ќе се откаже од своите ѕвезди.

Така веќе е потврдена заминувањето на Кевин Де Брујне, кому нема да му биде продолжен нов договор, а тоа е само почетокот. Гвардиола одлучи да се откаже и од Бернардо Силва, можеби и неговиот најдобар играч во последните неколку години, кој секако имаше неколкупати „фази“ дека сака да замине од „Етихад“. Особено тоа беше актуелно кога го повикуваше Барселона, а овој пат Манчестер Сити е тој кој рече дека стигнале до крајот на патот.

Еден од омилените фудбалери на Пеп Гвардиола ќе го напушти Манчестер Сити година дена пред истекот на договорот, а најверојатна дестинација е Бенфика – клубот во кој почнал да игра фудбал. Инаку, Бернардо е во Сити уште од 2017 година кога пристигнал од Монако за 50 милиони евра и одигра речиси 400 натпреварa за „граѓаните“ и досега придонесе со 69 голови и 71 асистенција.

Договорот истекоа и на Илкај Гундоган и нема да се продолжат, додека нема да биде никакво изненадување ако Сити ги напуштат и Едерсон, Џон Стоунс, па и Рубен Дијаш, со чија сезона Гвардиола никако не е задоволен.

Сака да се посвети на младите сили кои ги донесол – Хусанов, Мармуш, Нико Гонзалес и Витор Реишу – со промоција на неколку играчи од младинскиот тим. Секако, Манчестер Сити не е Манчестер Сити ако не троши пари, така што сигурно очекуваме барем двајца големи засилувања, ако нема нови казни поради малверзации.

Исто така, да не заборавиме дека се враќа Родри – официјално најдобриот фудбалер во светот кој поради повреда ја заврши сезоната.

Фото: Manchester City/FB