Ди Марија: Пијам лекови поради поразот на Аргентина

Аргентинскиот фудбалер Анхел Ди Марија изјави дека и натаму пие лекови за да се справи со притисокот и разочарувањето од поразите во три последователни финалиња на големи натпреварувања со репрезентацијата.

Ди Марија во 2022 година со Аргентина го освои Светското првенство во Катар, а две години подоцна и Купот на Америка во САД, откако во период од три години изгуби два финалиња на Купот на Америка и финалето на Светското првенство во 2014 година.

„Поради тоа и понатаму пијам лекови. Успеав да ја намалам дозата. Многу ми е подобро, но тоа е нешто што создава зависност… Тоа се работи кои остануваат со вас, кои ве обележуваат“, изјави Ди Марија за аргентинските медиуми.

Тој додаде дека му е жал за многу поранешни соиграчи од репрезентацијата кои не успеаја да освојат титула со Аргентина.