Готово: ВАР од наредната сезона и во Шпанија!

Видео технологијата од следната сезона ќе се користи и во првенството на Шпанија.

„Нашата намера е селдната сезона тоа да го претставиме. Технологијата доаѓа во фудбалот и тоа морате да го прифатите“, изјави првиот човек на Фудбалскиот сојуз на Шпанија, Хуан Луис Лареа.

Според зборовите на Лареа, ВАР ќе биде тестиран на 70 натпревари во Шпанија пред системот да биде пуштен во помош на судиите и формално да биде воведен во употреба.

Доцнењето со воведувањето на сисемот траеше нешто подолго поради споровите и лошите односи помеѓу челниците на Фудбалскиот сојуз на Шпанија и Ла Лига.

Претседателот на Ла Лига, Хавиер Тебас смета дека системот е прескап.

Примера оваа сезона не користи никаква помош од технологијата, за разлика од првенствата во Германија, Англија, Франција и Италија, кои веќе не се потпираат само на знаењето на судиите.