Непопуларни мерки во Белград: Партизан ги ограничи платите на фудбалерите!

Работната група која привремено го води фудбалскиот клуб Партизан одлучи да ги ограничи паричните примања на играчите, па според пишувањата на српски „Курир“, првотимците на белградските „црно-бели“ ќе можат максимум да заработат 25.000 евра на месечно ниво.

Ова е уште една од мерките што вицешампионот на Србија ги презема со цел стабилизирање на паднатиот клуб и полесно излегување од финансиската криза која со години наназад го мачи српскиот гигант.

Како што се наведува, фудбалерите кои ќе решат да ја продолжат кариерата во Белград ќе можат да сметаат на плата во опсег од 15.000 до 25.000 евра, што имплицира дека во скоро време нема да има звучни засилувања.