Потегот на Обрадовиќ го воодушеви регионот: Застана пред навивачите и спречи вистински хаос! (Видео)

Во арената во Белград синоќа се одигра големото градско дерби помеѓу Партизан и Црвена звезда, во кое гостите извојуваа победа со резултат 73:71, а по мечот повторно многу се зборуваше за Жељко Обрадовиќ.

Обрадовиќ уште еднаш покажа каква спортска и човечка величина е, кога на крајот од мечот направи гест кој ја обиколува Европа.

Судиите во последната секунда од мечот досудија очигледен прекршок на Стерлинг Браун над Немања Недовиќ, додека кошаркарот на Звезда шутираше тројка, и тогаш следуваше дивеење на навивачите на Партизан.

#ЕВРОЛИГА 🏀 | Крајот на натпреварот стана фрустрирачки за Партизан 😡

По фаулот што и донеса три слободни фрлања на Црвена звезда во последната секунда од натпреварот, навивачите на Партизан требаше да бидат смирени од самиот Жељко Обрадовиќ 🫣 pic.twitter.com/YZG8bKiKk9

— VOOsport (@VOOsport) 31 јануари, 2025

Почнаа да фрлаат различни предмети на паркетот и не му дозволуваа на Недовиќ да ги изведе слободните фрлања за победа на Звезда, кога на сцена стапи Обрадовиќ.

Тој го напушти своето место и се упати пред навивачите, ги рашири рацете и така ги запре во дивеењето, дозволувајќи натпреварот да заврши. За ова по натпреварот пишуваат многу европски медиуми. Фотографијата на Обрадовиќ со раширени раце веќе станува вирална.

Жељко Обрадовиќ мораше да ги смири навивачите на Партизан кога беа фрлани предмети на теренот 😳 pic.twitter.com/9yxiOFH8Qs

— BasketNews (@BasketNews_com) 31 јануари, 2025

Тогаш Недовиќ ги погоди двете слободни фрлања за водство на Звезда 73:71, а потоа намерно го промаши третото за да не му дозволи на Партизан да има време за израмнување или пресврт.