Роналдо поставил услов за да остане во Ал Наср – го сака поранешниот соиграч!

Кристијано Роналдо влезе во последните шест месеци од договорот со Ал-Наср и не планира да се задоволи со борба за втори и трети места. Тој сака да напаѓа за трофеи, а за тоа му е потребен Каземиро, пишуваат Шпанците.

Поминаа две години откако Кристијано Роналдо (39) ја шокираше светската јавност со преминот во Саудиска Арабија. Иако и понатаму е во прилично добра форма за постигнување голови (оваа сезона има 16 голови и три асистенции во 19 настапи за Ал-Наср), не успеа да се доближи до титулата во домашното првенство или на континентално ниво. Тој губи трпение.

За да може да се бори со Ал-Хилал и Ал-Итихад, Португалецот побарал и доаѓање на поранешниот соиграч Каземиро (32), пишува „Марка“. Со него делеше соблекувална пет години во Реал Мадрид и пократко време во Манчестер Јунајтед, а оваа сезона Бразилецот се мачи во Англија, како инаку и целата екипа што е во долниот дел на табелата во премиерлигата.

Богатиот договор на Роналдо истекува на крајот од оваа сезона и потоа може да одлучи што ќе прави понатаму, пензионирањето засега не е опција. Иако во Ал-Наср е повеќе од само фудбалер, како и амбасадор на целата земја и фигура во деловниот свет, нема лесно да потпише нов договор. Нему и Марселу Брозовиќ (32) може да им се придружи уште една ѕвезда.