Teрзиќ брзо одговори на понудата од Премиер лигата

Поранешниот тренер на Борусија Дортмунд Един Терзиќ наводно ја одбил можноста за работа во англиската Премиер лига, пренесува „Билд“.

Вест Хем Јунајтед му ја понудиле улогата наследник на Јулен Лопетеги, но Терзиќ љубезно ја одби понудата бидејќи не се гледа на тоа место.

Лопетеги е под голем притисок во Вест Хем поради лошите резултати и ако неговиот тим не извојува победа против Вулверхемптон во ова коло, се очекува дека ќе биде сменет.

Терзиќ веќе беше дел од тренерскиот тим на Вест Хем каде што од 2015 до 2017 работеше како помошник тренер под Славен Билиќ.

Да се потсетиме, Терзиќ летово ја напушти Борусија Дортмунд каде што помина поголем дел од својата кариера извршувајќи различни функции.

Под негово водство, Борусија минатата сезона стигнала до финалето на Лигата на шампионите и на клупата на Дортмунд водеше екипата во вкупно 128 натпревари, од кои постигна дури 75 победи.

За Терзиќ наводно интерес покажала и Рома, но наместо него на клупата на Римјаните седна повратникот од пензија Клаудио Раниери.

BREAKING: West Ham made an approach to Edin Terzic on Wednesday, but the former Borussia Dortmund coach was not keen on the move.@BILD pic.twitter.com/VBpOx1DW8D

— Central (@WestHam_Central) December 6, 2024