Германскиот ветеран го напушта Чикаго?

Германскиот ветеран и поранешна ѕвезда на Баерн Минхен, Бастијан Швајнштајгер зборуваше за својата иднина.

Швајнштајгер во овој момент настапува за американскиот тим во МЛС лигата Чикаго Фајр со која ќе игра во плеј-офот оваа сезона.

Меѓутоа големо е прашањето дали славниот Германец и по завршувањето на шампионатот во САД ќе остане во овој тим кој е предводен од српскиот стручњак, Вељко Пауновиќ.

Имено во разговор за „Еуроспорт“, поранешниот фудбалер на Баерн Минхен истакна дека е отворен и за преговори со други клубови.

„Договорот го потпишав до крајот на годината бидејќи сакав да видам како ќе се одвиваат работите. Во овој момент немам конкретни понуди, се е отворено. Ќе видиме што ќе се случи“, изјави Бастијан Швајнштајгер.