Патуваа со автобус 220 метри поради бизарно правило

Фудбалерите на Бодо Глимт стигнаа до голема победа во Лига Европа откако славеа на домашен терен над Порто со 3-2.

Фудбалерите на норвешкиот Бодо Глимт беа принудени на една од најкратките автобуски патеки и тоа поради бизарните правила на УЕФА, која  наложува на сите екипи во европските купови мора на стадион да пристигнат со автобус поради носителите на телевизиските права.

Па фудбалерите на норвешкиот клуб тргнале во 17:05 и само минута подоцна стигнале пред стадионот. Автобусот поминал точно 220 метри.

„Во ред е. Кажано ни е дека мораме така па не се трудиме да го менуваме тоа. Го паркирам автомобилот пред автобусот, влегувам во него и се подготвувам за натпревар. Смешно е“, изјави Хауге.