Најлошата натпреварувачка на Олимписките игри ќе заработи милиони како интернет сензација

Натпреварувачката во брејкденс Риачел Гун според многумина е најлошата учесничка на Олимписките игри во Париз.

Таа стана интернет сензација откако со својот настап не освои ниту еден бод. Гун скокјаше и се валкаше правејќи го тоа надвор од секој ритам и така предизвика лавина коментари.

По настапот таа се бранеше дека сите потези ги смислила сама и поради тоа биле уникатни. На крајот се прослави толку што маркетиншкиот експерт, Макс Марксон тврди дека таа ќе стане милионерка.

„Таа уште сега има свој бренд. Нејзиниот углед во Австралија не е голем, но познатата е во остатокот од светот“.

Марксон е убеден дека таа ќе добие понуди од брендови за спортска облека како „Адидас“ и „Пума“, но и други компании.