Јувентус му поставил ултиматум на Киеза

Федерико Киеза не брза со носењето на одлука за неговата иднина, сепак Јувентус сака неговата ситуација да се реши колку што е можно побрзо.

Според последните информации од Италија, Јувентус на Киеза му поставил ултиматум или да потпише нов договор или да си замине летово.

Се интересираше Рома за Киеза и во италијанските медиуми се пишуваше дека имале договор со Јувентус, меѓутоа потоа поради неодлучноста на фудбалерот се откажаа од преговорите.

Сегашниот договор на италијанскиот репрезентативец истекува јуни 2025 година и Јувентус не сака да го изгуби бесплатно.

Платата која сега ја има Киеза е шест милион иевра, а Јувентус за нов договор му нуди пет милиони евра плус еден преку бонуси.

Интерес за Киеза покажуваа и екипите на Наполи и Манчестер Јунајтед.