НОВА БОМБА: Меси уште во јануари се сели во Премиер лигата

Лео Меси во јануарскиот трансфер период би можел да ја напушти Барселона, пишуваат шпанските и британските медиуми.

Како што јавува „Goal.com“, повикувајќи се на „AS“, Манчестер Сити е подготвен да понуди неверојатни 400 милиони евра на Барселона, клубот каде што Аргентинецот ја помина целосната фудбалска кариера.

Тешко е да се процени дали оваа причина има реални основи, иако оваа информација ја пренесуваат угледни медиуми кои ретко кога грешат. Но, сомнежот е поттикнат од фактот дека Меси официјално не потпиша нов договор со својот клуб, иако од каталонскиот клуб неколку пати изјавија дека „се е договорено“.

Манчестер Сити оваа сезона во англиската Премиер лига игра одлично, а експертите го сметаат за најголем фаворит за освојување на титулата. И Барса исто така имаше одличен старт и е лидер во Примера.

Минатото лето и траснферот на Нејмар во ПСЖ ги сруши сите илузии за невозможното во спортот. Ниту трансферот на магичниот Аргентинец не би смеел никого да изненади…