ГОЛЕМА ТРАГЕДИЈА: Почина играчот кој требаше да го наследи Дидие Дрогба

Неверојатна трагедија се случи денеска во Брегот на Слоновата Коска.

Напаѓачот Џорџ Грифит, кој своевремено настапуваше за Спарта Прага почина во 26. година од својот живот, откако беше застрелан во неговата земја, Брегот на Слоновата Коска.

Тој беше во посета на родниот град Абиџан, кога беше нападнат, а се се случило во четвртокот навечер. Два воорушени разбојници се обиделе да го одземат неговиот мерцедес, а откако тој одбил да им ги предаде клучевите, тие одлучиле да го убијат. Поранешниот напаѓач на Спарта брзо бил пренесен во болница, но за жал докторите не успеале да го спасат.

Многу интересно за овој напаѓач е тоа што на почетокот на неговата кариера го сметаа за наследник на најдобриот играч во историјата на оваа семја, Дидие Дрогба, но тој во текот на кариерата никогаш не го покажа целиот свој потенцијал.

Во текот на кариерата тој настапуваше за Сироко, Спарта Брака, Ломбард Папа и Диосјор, а за У23 репрезентацијата на Брегот на Слоновата Коска запиша три настапи и постигна еден гол.