Баерн падна во Рим, ПСЖ го сруши Сосиедад🎥

Лацио и ПСЖ остварија домашни победи во првите осминафинални натпревари во Лигата на шампиони против Баерн Минхен и Реал Сосиедад.

Баерн продолжи со лошите игри, иако во Рим пристигна како голем фаворит, сепак не делуваше така на терен. Очигледна е кризата во редовите на гермаскиот шампион, па Лацио беше рамноправен противник во текот на целиот меч.

Особено во вториот дел кога Баерн не успеваше конкретно да се закани, а во 69-та минута Упамекано направи пенал и доби црвен картон. Сигурен реализатор беше Имобиле, што на крајот се покажа и како конечен резултат.

ПСЖ со една нога е во четвртфиналето, откако го совлада Реал Сосиедад со 2:0. „Светците“ дури во второто полувреме го скршија отпорот на шпанскиот тим, најпрво Мбапе, а потоа Баркола погоди за 2:0.