Селекторот на Македонија си најде нов клуб – ќе биде тренер во Косово!

Oткако ја заврши соработката со Кожуф, актуелниот селектор на кошаркарската репрезентација на Македонија, Александар Јончевски пронајде нов клупски ангажман кој е надвор од границите на нашата земја.

Јончевски во наредниот период ќе го води тимот на Башкими од Косово кој во досегашниот шампионат има учинок од четири победи и осум порази, па се наоѓа во долниот дел на табелата.

За Јончевски ова не е прво искуство во Косово бидејќи претходно ја водеше Трепча. Низ кариерата водеше уште неколку македонски клубови и Спартак Суботица од Србија.