Шокантна исповед на Ник Кирјос: Секоја вечер си ги сечев и горев рацете

Австралискиот тенисер, Ник Кирјос во интервју за „Скај“ со новинарот Пирс Морган зборуваше за работи кои досега само тој ги знаел.

Кирјос на почетокот на 2019 година се соочувал со големи психички проблеми, меѓутоа во тој период тоа не се забележувало бидејќи триумфираше на турнирите во Вашингтон и Акапулко.

Додека победувал на теренот во себе поминувал низ вистински пекол.

„Победував и освојував турнири, но секоја вечер пиев и се самоповредував. Си ги горев и сечев рацете од забава. Се мразев себе, чувствував зависност, мразев да се будам и да бидам Ник Кирјос од неоја причина“, зборуваше Кирјос.

Ова е само дел од интервјуто кое треба да се емитува во текот овој викенд. Голема помош во тие денови Кирјос добил од Енди Мареј.