Австралискиот тенисер Ник Кирјос денеска соопшти дека нема да игра целата трева сезона, вклучувајќи и Вимблдон, бидејќи уште не се опоравил од повредата.
Кирјос не играше многу во последните две сезони поради низа повреди, меѓу кои и на зглобот и коленото. Минатата недела се повлече од учеството во двојки на Ролан Гарос во Париз, каде што требаше да игра првпат од 2017 година.
Сè што треба да знаете за НОВИОТ формат на Светското клупско првенство! ↓↓↓
„Имаше мал застој во опоравувањето и за жал нема да можам да учествувам во тревната сезона. Знам колку очекувавте да ме видите на теренот и искрено ми е жал што ве разочарав. Ова е само мала пречка на патот, и веќе напорно работам за да се вратам посилен од кога било“, напиша Кирјос на Instagram.
Да потсетиме, австралискиот тенисер се врати на теренот на почетокот на годината, а во март на мастерсот во Мајами ја оствари првата победа уште од октомври 2022 година.
Фотографија: Принтскрин
Учество во игри на среќа е дозволено за лица со 18+ години. Играј одговорно!