ПМФЛ: Вардар немоќен против Струга

Денеска на програмата во Првата македонска фудбалска лига се играа натпревари од вонредното 16. коло.

Вардар на теренот на ФФМ во Аеродром во не баш најдобри услови за игра поради лошиот терен беше поразен од актуелниот шампион Струга Трим Лум со 1:3.

Многу рано, Струга по само осум минути веќе двапати ја затресе мрежата на Гачевски. Прво Згуро во шестата од пенал го отвори резултатот, а потоа Таири само две минути подоцна зголеми на 0:2.

Вардар резултатски во игра се врати со голот на Милсавиќ по половина час од игра исто така од пенал. Единствениот гол во второто полувреме за конечни 0:3 беше дело на Компаоре за конечни 1:3.

Со овој пораз Вардар останувап оследен со само 11 бода, додека Струга е втора со 30 бода и заостанува два бода зад Шкупи кој денеска одигра 0:0 против Гостивар.

Минимални победи од по 1:0 денес забележаа екипите на Брера против Брегалница и Македонија Ѓорче Петров против Силекс. Тиквеш на гости ја совлада Воска со 0:3, а со 2:0 Шкендија беше подобра од Работнички.