Oд Островот се најавува промена на ВАР: Дали ќе гледаме уште подолги натпревари?

Според последните најави од Островот ВАР би можел да претрпи промени, а еден од новите предлози е судиите да имаат можност да прегледуваат ситуација и при слободни удари, корнери, жолти картони…Досега ВАР се користеше само при одлуката за црвен картон, офсајд и постигнат гол.

И во ваква ситуација поради проверките на ВАР снимките од страна на судиите натпреварите траат подолго, а сега тие би биле уште повеќе продолжени.

Ваквата информација ја објави британски „Тајмс“, а набрзо таа се прошири и на социјалните мрежи.

Мислењата на јавноста се поделени, има такви кои сметаат дека ова ќе донесе одредени подобрувања, додека другиот дел смета дека натпреварите кои и онака се продолжени би добиле преголеми продолжувања.